Реализирана и втората исплата за поддршка на настраданите семејства во Кочани

Заклучно со денешниот ден, во хуманитарниот апел на Црвениот крст на Република Македонија за настраданите од пожарот во Кочани се собрани 112.595.482 денари. Досега е извршена првична исплата на средства за семејствата на сите починати, како и за повредените кои се лекуваат во земјата и во странство.

Денеска беше реализирана и втората исплата за поддршка на настраданите семејства, со што вкупно досега се распределени 60.850.000 денари од донациите.

-Во координација со релевантните државни институции, министерствата и Владата, се работи на развивање на соодветен пристап за понатамошна распределба на средствата, кој ќе обезбеди навремена и праведна помош за лекување и справување со последиците од трагедијата, велат од Црвениот крст.

Организацијата, во соработка со партнерите, продолжува да обезбедува психосоцијална и друга поддршка за погоденото население.

Поради големиот интерес за донирање, апелот за собирање на средства останува отворен.