Реал Мадрид со четири гола го здроби Вилјареал (ВИДЕО)

„Кралевите“ постигнаа по два гола во секое од полувремињата. Најпрво Џуд Белингам стрелаше во мрежата на Вилјареал во 25. минута, а набрзо погоди и Родриго.

Моралеш ги врати надежите на гостинскиот тим во 54. минута (1-2), но потоа Брахим Дијаз и Лука Модриќ ја потопија „жолтата подморница“.

Реал има 42 бода на врвот во Ла Лига, односно еден повеќе од Жирона, додека Вилјареал е на 14. место со 16 бодови.