Рашковски доби 8 години казна затвор за „Софтвери“
Поранешниот генерален секретар на Владата, Драги Рашковски денеска ја доби пресудата за предметот „Софтвери“, кој се однесува за набавката на софтвер за контрола на сообраќајот.
Рашковски доби вкупно 8 години казна затвор за кривичните дела „злоупотреба на службена положба и овластување” и „перење пари и други приноси од казниво дело”.
Покрај него, за виновни се прогласени и Ивица Димитровски (пет години затворска казна), Игор Христов (пет и пол години), Даниел Станчев (четири години), Ирена Ивановска (3,5 години), Игор Ивановски (3 години) и Маја Силјаноска (3 години) за „злоупотреба на службената положба и овластување”.
Дел од обвинетите, треба и да ја надоместат штетата на буџетот во износ од околу 11 милиони денари.
Судот изрече и забрана за децата на Рашковски да ги отуѓат имотите кои се на нивно име.
