РАДИЈАТОРИТЕ ИМ СЕ ЛАДНИ – расте бројот на домаќинства кои не можат соодветно да се загреат во Европската унија
Во 2023 година, 10,6 отсто од населението на ЕУ не можеше да го загрее домот соодветно. Во споредба со 2022 година, ова учество е зголемено за 1,3 процентни поени, објави европскиот статистички центар „Евростат“.
– Најголем процент на луѓе кои не можат соодветно да ги загреат своите домови се забележани во Шпанија и Португалија каде проценто достигнува до 20,8 проценти, а потоа следат Бугарија со 20,7 отсто, па Литванија со 20 проценти и Грција со 19,2 отсто – наведува „Евростат.
За разлика од нив, на спротивната страна се Луксембург каде само 2,1 процент од населението не можело да си дозволи соодветно затоплување. Потоа следува Финска со 2,6 проценти, па Словенија со 3,6 отсто, Австрија со 3,9 проценти и Естонија со 4,1 отсто, и тоа се земјите кои имаат најмал уддел на граѓани кои не можат да си дозволат соодветно затоплување.
Ваквите информации предизвикаа бура кај нашиот јужен сосед.
Грчкиот Катимерини пишува дека скоро секој петти Грк не моќе да го загрее домот, што е знак за назадување, бидејќи процентот на граѓани кои не можат да си дозволат да го затоплат соодветно домот се зголемува.
– Последната бројка претставува значително зголемување од 17,1 отсто Грци кои рекоа дека не можат да ги загреат своите домови во 2020 година. Во 2022 година, бројот на Грци кои не можеа да ги загреат домовите беше 18,7 отсто. Во последните години низ Европа се зголемува процентот на луѓе кои не можат соодветно да ги загреат домовите – пишува Катимерини.
