"ЌЕ ЈА ПАМЕТАТ „БОГОРОДИЦА“ ДО КРАЈ НА ЖИВОТОТ":Срби се обиделе нелегално да внесат пари, македонската царина им ги зела-Еве како пренесе српски „Блиц“
Цариниците на Македонија завчера кај српски државјанин пронашле непријавени 47.000 евра, за кои не поседувал документи за потекло.
На 18.07.2023 година, околу 20,00 часот, патничко моторно возило со српски регистарски ознаки, управувано од српски државјанин, било регистрирано на излез од Македонија на граничниот премин „Богородица“.
При контрола на царинските службеници во личната торба на патникот биле пронајдени 47.000 евра за кои не поседувал соодветен документ за потекло.
На сопатникот и неговата сопруга – патниците во возилото, согласно Законот за девизно работење на Македонија, вратени се по 10.000 евра, а останатите 27.000 евра привремено се задржани.
Врз основа на Законот за девизно работење и Царинскиот закон, поднесено е барање за поведување кривична постапка, јавува порталот „Гевгелија.нет “.
