ПРВ БРАН ОТПУШТАЊА ОД CREDIT SUISSE ВО ЈУЛИ: Швајцарската банка ќе отпушти 10.000 работници во три фази
UBS Group има
намера да отпушти повеќе од половина од работната сила на неодамна
купената банка Credit Suisse. Отпуштањата почнуваат веќе следниот месец,
дознава Блумберг.
Отпуштањата не предизвикаа шок, работниците стравуваа дека
ќе се случат по спојувањето на овие две банки.
Банкарите, трговците и помошниот персонал во инвестициската
банка Credit Suisse во Лондон, Њујорк и делови од Азија се очекува да го сносат
најголемиот товар, бидејќи речиси сите активности во овие филијали се изложени
на ризик од откажување.
UBS има намера на крајот да го намали вкупниот број на
вработени за околу 30 отсто, или на 35.000 луѓе, додека бројот на вработени во
Credit Suisse во моментов изнесува околу 45.000, според извештајот.
Планирано е да се укинат дури 10.000 работни места. На
вработените им е кажано да очекуваат три круга намалувања оваа година, а првиот
се очекува до крајот на јули. Во моментов се планирани уште два круга за
септември и октомври, додаваат извори за Блумберг, кои побарале да останaат анонимни, бидејќи плановите сè уште не се јавни.
UBS и Credit Suisse одбија да коментираат.
На почетокот на овој месец, извршниот директор на UBS, Серџо
Ермоти, предупреди на болни одлуки за отпуштања по преземањето на Credit Suisse,
но не елаборираше за бројот на потенцијални отпуштања.
UBS го заврши брзото преземање на својот ривал во јуни,
создавајќи швајцарски банкарски гигант и управување со богатството со биланс од
1,6 трилиони долари и работна сила од 120.000. луѓе.
ФОТО: EPA-EFE/ENNIO LEANZA
