„ПРИВИЛЕГИРАНИОТ ШЕФ“ РАБОТИ ОД ДОМА: Нов фрномен кога работниците мора да одат на работа, а менаџерите работат од дома

Тема за која постојано се зборува е работата од дома. Иако ова беше популарен начин
на рабпте, пред се од наметнатата потреба за време на пандемијата,
работите сега се повеќе се враќаат на старите начини. Поточно, во многу фирми
работниците веќе секојдневно ги посетуваат канцелариите.

Отпор имаше, отпор се уште има, а сега особено се „боцкани“ и од новиот тренб: создавањето на
т.н. феноменот „привилегиран шеф“ или „Boss privilege“.

Во ерата на хибридна работа, конвенционалната петдневна
канцелариска недела претрпува трансформација.

Она што е интригантно не е само замената на еден модел со
друг, туку и кој го покренува
ваквиот начин на работа и кој има најголема корист.

Шефовите и средните менаџери се во првите редови на оваа
промена, пишува thestar.com, држејќи се до нивните распореди за работа од дома,
феномен што може соодветно да се опише како „привилегиран шев“, како што веќе се наведува.

Зошто ова е
наречено токму„ Boss privilege“? Бидејќи работниците, во најголем дел,
веќе не смеат да работат од дома. Овој тренд беше откриен во неодамнешниот извештај на McKinsey.

Меѓу 13.000 канцелариски работници анкетирани во шест земји,
48 отсто од вработените на високи позиции продолжуваат да работат од далечина
барем еден ден во неделата, во споредба со само 33 отсто од работниците на
пониски позиции.

Неверојатни 50 проценти од средните менаџери – директори,
менаџери и лидери на тимови – рекоа дека имаат силна желба да работат од дома,
што значи дека сите тие најверојатно ќе дадат отказ ако бидат принудени да
работат од канцеларија секој ден.

Овој тренд го потврдуваат и доказите од други истражувања,
вклучително и она спроведено од Deloitte и Workplace Intelligence Research.