ПРАВДА ЗА ЈАНА! Граѓаните излегуваат на протест во Битола!
Помина една недела од смррта на малата Јана Христовска во болницата во Битола.
Утре во 19 часот на плоштадот Магнолија ќе се одржи протест под мотото „Правда за Јана“.
Протестот е организиран од семејството Христовски, како и роднините и пријателите.
„Низ времињата наназад сум водел многу заеднички битки со вас, драги браќа и сестри битолчани. Но, оваа ми е најтешка, најемотивна и неописиво жална и болна. Битката за барање правда за Јана, за која однапред знаеме дека институционално ја губиме, не претставува битка на која треба да застанеме и да го кажеме добро познатото тридецениско ‘тоа е’, туку да се обединиме, да кажеме заедно сме посилни, дека нашиот кренат глас е наше право. Тоа е наша појдовна точка, од која треба јасно и гласно да кажеме ‘доста е‘“, пишува Игор Петковски.
Инаку, Јана почина на 22 март откако прими инфузија во Клиничката болница во Битола.
Според исказот на родителите, докторите и ставиле гликоза по што шеќерот ѝ се покачил од 9 на 19.
Извршен беше и вонреден надзор од страна на Државниот здравствен и санитарен инспекторат, од каде истакнаа дека нема пропусти во лекувањето.
