Познат е првиот осминафиналист и првиот тим што испадна од Лигата на шампионите

Ливерпул ја победи Жирона со 1-0 и остана на максимален ефект, а со тоа стана првиот тим што обезбеди пласман во осминафиналето. Во последните два круга, не е можно „црвените“ од Енфилд да бидат послабо пласирани од осмата позиција што значи дека ќе ја прескокнат првата елиминациска фаза во која ќе учествуваат екипите од 9. до 24 место.

Од друга страна, познат е првиот тим кој е елиминира и за кого остануваат уште два меча, оние што ќе се играат во јануари. Тоа е екипата на македонскиот репрезентативец Елиф Елмас, Лајпциг кој остана без бодови и по шест кола. Со оглед на тоа што 24. на табелата има седум бода, невозможно е бундеслигашот да биде меѓу оние кои ќе играат макар плејоф.

Лајпциг вечерва загуби на домашен терен од Астон Вила со 2-3 во меч во кој три пати беше во негатива.