Пожар во ресторан во Ист гејт мол
Утрово избувнал пожар во Ист Гејт Мол, по што трговскиот центар морал да биде евакуиран. Се вклучиле и алармите за пожар.
Според информациите на медиумите, пожар избувнал во еден од рестораните на првиот кат, каде што има бројни посетители и каде што се поставени столчињата и масите за јадење.
Пожарот избувнал утрово во трговскиот центар Ист Гејт во Скопје на најгорниот кат, во делот на рестораните каде се подготвува храна, а противпожарните екипи сѐ уште се на терен. Нема повредени, само има материјална штета.
-Се запалил вентилациски канал кој ја спроведува пареата. Пожараникарите сѐ уште интервенираат. На терен се 15 пожарникари со пет противпожарни возила, изјави командантот на Територијалната противпожарна единица на Град Скопје Звонко Томески.
Пожарникарите добиле дојава од вработените во трговскиот.
На посетителите сѐ уште не им е дозволен влез.
