Повторно, силни експлозии во близина на нуклеарната централа Запорожје
Нова серија експлозии во непосредна близина на нуклеарната централа Запорожје открија експерти од Меѓународната агенција за атомска енергија (МААЕ).
„Експертите од Меѓународната агенција за атомска енергија кои беа присутни во нуклеарната централа Запорожје во Украина известуваат дека силни експлозии одекнале надвор од објектот, што укажува на воена акција во близина на објектот, кој е на првата линија на тековниот конфликт. Вчера околу 10 часот по локално време се слушнаа осум силни експлозии кои ги потресоа прозорците на административните згради, денеска ги има повеќе“, се вели во пораката објавена на веб-страницата на организацијата.
„Знаците на непријателствата во близина на нуклеарната централа уште еднаш ја истакнуваат виталната важност на координацијата и брзото воспоставување зона за нуклеарна безбедност и заштита околу централата“, прес-службата на МААЕ го цитираше нејзиниот генерален директор Рафаел Гроси.
