Повеќе номинации за кандидат за претседател, меѓу нив и Пендаровски но и екс претседатели!
Претседателот на СДСМ Димитар Ковачевски денеска во изјава за медиумите посочи дека има повеќе еминентни можни кандидати кои се предложени за претседателските избори.
Како што вели, и актуелниот претседател Стево Пендаровски е предложен од општинските организации, а предложени се и други поранешни претседатели на државата, поранешни претседатели на СДСМ, поранешни секретари на СДСМ, врвни поранешни судии.
За тоа колку вкупно номинации има за кандидат за претседател, Ковачевски вели дека не може да каже точна бројка.
„Не можам да ви кажам точно колку можни кандидати се предложени затоа што ги немам бројките пред мене. Тие се собираат во секторот на организацискиот секретар. Се работи за повеќе еминентни можни кандидати, вклучително и претседателот Пендаровски, кој што е предложен од општинските организации. Тоа што можев да го видам од она што го имаме добиено на располагање од општинските организации, само потврдува дека СДСМ е голема партија, партија која располага со врвен кадровски птоенцијал и која секогаш ги има најдобрите кандидати за сите позиции“, додаде Ковачевски.
