Потресот во Словачка – паднат малтер, скршени стакла

Земјотресот во Словачка, регистриран во понеделникот во доцните часови во близина на градот Вранов, траел неколку секунди, јавуваат словачките медиуми, повикувајќи се на жители во областа.

Нема информации за повредени, но евидентирана е материјална штета – паднат малтер, скршени стакла и пукнатини на згради. Има дојава и за оштетување на една од црквите во околината.

Каблите што го држеле крстаречкиот брод „Бохемија“ до брегот на локалната брана се скршиле и пловилото се одлевало во водата некое време по земјотресот.

Луѓето од населените места околу Вранов зборуваа за ужасот што го доживеале по земјотресот. На социјалните мрежи известуваат за паднати слики и мебел, пукнати водоводни цевки.

Словачката академија на науките предупредува дека се можни последователни потреси.