ПОТРАГА ПО ДАНКА: Двете жени снимени во Виена се забележани и на граничен премин?
Снимките од преминот во Романија и од трамваите во Виена сугерираат дека истите жени се забележани на двете места.
Најмалку два автомобили во кои има жени кои личат на двете Романки од видеото од Виена преминале на граничниот премин Кладово-Турни-Северин со Романија, забележала српската полиција прегледувајќи снимки од камерите на преминот, пишува српски Информер.
Претходно беше откриено дека мајката на девојчето барала податоци на Гугл за овој премин по исчезнувањето на Данка, како и дека родителите ја однеле Данка на специјалистички преглед пред исчезнувањето. Полицијата во Виена разгледува снимки од трамваите 71 и 1 во градот.
„Јас лично, како и моите соговорници во амбасадата, навистина одговоривме одговорно, посветено на нашата активност, која е извонредна. Она што досега имавме можност да го видиме е дека МВР и УКП постапуваат совесно, а тоа е приоритет на австриската полиција. Делот каде што е снимено видеото е добро покриен со антитерористички мерки, првенствено се мисли на видеонадзор. Постои техника која овозможува да се добие поквалитетно видео и така да се идентификува лицето“, изјави Марко Благојевиќ, српскиот амбасадор во Австрија.
Девојчето исчезна во вторник во околината на Бор. Потрагата уште трае. Интрепол трага по девојчето кое има само две години.
