ПОСЛЕ ПУТИН НА РЕД Е БАЛКАНСКИ ПОЛИТИЧАР: Кого ќе интервјуира Такер?
Американскиот новинар Такер Карлсон ќе ја посети Србија и ќе прави интервју со српскиот претседател Александар Вучиќ.
Тој неодамна направи интервју со рускиот претседател Владимир Путин. Карлсон планира да ја посети Србија кон средината на годината. Ова го потврди српската премиерка Ана Брнабиќ, која се сретна со него на Самитот на светските влади во Дубаи, пренесуваат српските медиуми. Таа денеска разговарала со Карлсон на Самитот на светските влади во 2024 година што се одржува во Дубаи.
„Тој знае многу за Србија, рече дека планира да дојде во Србија кон средината на оваа година, дека многу го почитува и цени претседателот Александар Вучиќ. Му реков дека со нетрпение очекувам да го видам и му честитав на храброста да направи навистина феноменално интервју со претседателот на Руската Федерација“, изјави Брнабиќ.
Новинарот направи интервју со Путин во Москва. Некогашниот руски олигарх, најбогат човек во Русија и соработник на рускиот претседател Владимир Путин, а сега негов жесток критичар, Михаил Ходорковски тврди дека рускиот лидер кажал 12 лаги во интервјуто.
фото: принтскрин Твитер
