ПОСКАПУВАЊЕ: Од полноќ цената на горивата ќе скокне за два денари
Од полноќ цените на нафтените деривати се зголемуваат за два денари, одлучи денеска Регулаторната комисија за енергетика.
Од РКЕ објаснуваат дека зголемувањето се должи на порастот на референтните цени на нафтените деривати на светскиот пазар во однос на одлуката донесена во понеделникот.
Според новата одлука, цената на Еуросупер БС-95 ќе изнесува 84,5 денари за литар, на Еуросупер БС-98 за 86,5 денари, на дизелот 74,5 денари за литар, а на Екстра лесното масло за домаќинство 73,5 денари за литар.
Се зголемува и малопродажната цена на мазутот за 1,337 ден/кг која сега ќе изнесува 42,338 ден/кг.
