Португалија гази сè пред себе – со девет гола го уништи Луксембург (ВИДЕО)

Португалија ја најави својата победа уште во првото полувреме кое го доби со 4-0, а двапати во листата на стрелци се запишаа Гонкало Инасио и Гонсало Рамос.

Диого Жота во 57. минута зголеми на 5-0, додека Хорта потоа стрелаше за 6-0, додека Луксембург делуваше изгубено на теренот.

Жота постигна уште еден гол во продолжение, а во листата на стрелци се запишаа и Бруно Фернандеш и Жоао Феликс за убедливи 9-0.

Словачка за шест минути постигна три гола против Лихтенштајн и ја потврди победата, а погодоците беа дело на Ханко, Дуда и Мак.

Триумфи вечерва остварија и Исланд против Босна и Херцеговина од 1-0, како и Велс на гостувањето кај Летонија со 2-0.

Португалија е прва во групата Ј со 18 бодови, по што следи Словачка со 13, Луксембург има 10, БиХ и Исланд по шест, додека Лихтенштајн е без бодови.