ПОПЛАВЕНИ КУЌИ, ОТСЕЧЕНИ ГРАЃАНИ: Kритично е во делови од БиХ
Големи поплави има во западна Босна, а стотици куќи се под вода, додека жителите се евакуирани.
Најлоша е состојбата на Бихаќка и Босанска Крупа, каде покрај зградите поплавени се и неколку патишта, а граѓаните се отсечени. Водите се излеаја во поголемиот дел на Босанска Крупа, како и во нејзиниот центар, каде се поплавени семејни куќи и објекти. Состојбата дополнително ја влошуваат подземните води.
На подрачјето на Бихаќ поплавени се 300 згради, изјави за Дневни аваз градоначалникот на тој град Елведин Седиќ. Вели дека Уна е излеана, а најавата за нови врнежи создава дополнителни грижи. На неколку места се градат насипи.
Во населбата Буковље во Велика Кладуша поради вода се отсечени неколку куќи. Поради големите врнежи, локалните спасувачки служби не можат да му помогнат на загрозеното население.
Поплави има и во Хрватска. Во Италија загинаа најмалку 6 луѓе во разорните поплави.
Србин во Италија спаси дете да не се удави во надојдената вода.
