ПОЛСКА ОЧЕКУВА ПЛОДНА СОРАБОТКА: Две земји од регионот се приклучија на Иницијативата „Две мориња“
Две земји од регионот се вклучија во Инцијативата „Три мориња“.
Станува збор за Црна Гора и Албанија. Тие официјално се приклучија на Иницијативата „Три мориња“ (3СИ) вчера, на јубилејниот, десетти самит што се одржа во Варшава. Со тоа бројот на членови на платформата се зголеми на 15 земји од јадранскиот, балтичкиот и црноморскиот регион.
Полскиот претседател Анджеј Дуда, изјави дека пристапувањето на Црна Гора и Албанија се случува во чувствителен геополитички момент.
„Овогодинешниот самит е особено важен поради моменталната геополитичка ситуација. Верувам дека новите членки ќе придонесат за поплодна соработка“, рече Дуда.
Иницијативата, покрената од Полска и Хрватска во 2015 година, првично имаше за цел зајакнување на економската соработка и инфраструктурата во Централна и Источна Европа, но беше замислена и како неформална политичка противтежа на влијанието на Берлин и Париз во рамките на ЕУ.
Иницијативата денес има 143 приоритетни инфраструктурни проекти, како гасни интерконекции со Литванија и Словачка, автопатот Виа Карпатија и балтичко-јадранскиот железнички коридор.
Клучните енергетски проекти, како што се терминалите за течен природен гас (ЛНГ) во Хрватска и Полска, се финансирани од Европската Унија.
foto PROFIMEDIA / Sergei GAPON / AFP
