ПОЛИЦИЈАТА ЗАПЛЕНИ СЕКИРА И НОЖ: Четиринаесетгодишно девојче од Црна Гора планирало терористички напад во Грац

Четиринаесетгодишно девојче од Црна Гора планирало терористички напад во градот Грац во Австрија. 

Според австрискиот медиум Клајн Цајтунг, девојчето планирало терористички напад на Јакоминиплац во Грац, а истражителите од Државната служба за државна безбедност и борба против екстремизмот во Штаерска успеале да спречат тоа, пренесува РТЦГ. При претресот на куќата, како што пишува истиот медиум истражителите заплениле секира и нож.

„14-годишното девојче, кое е црногорски државјанин, сега е во притвор“, се вели во текстот и се додава дека пред неколку дена наполнила 14 години и затоа е кривично одговорна.

Информациите за планираниот напад дојдоа од Европска безбедносна управа. На овој начин, локалните истражители од Државниот завод за државна безбедност и борба против екстремизмот (ЛСЕ) на Штаерска им влегле во трага на првично непознатите лица.

foto EPA