Почина украинскиот шампион во кик бокс
Украинскиот шампион во кик-бокс Максим Бордус (23) е убиен во борба против руските сили, објави денеска веб-страницата на која се наведени спортистите загинати во војната.
Бордус беше убиен на 11 јуни во „жестоки борби против руските напаѓачи“, објави Sports Angels, украинска веб-страница формирана со помош на Комитетот за спорт, кој ги обединува невладините организации и федерациите од неолимписките спортови.
Champion of #Ukraine in kickboxing Maxim Bordus died in a battle in the #Zaporizhzhia direction. pic.twitter.com/0WhEHUHh5C
— NEXTA (@nexta_tv) June 20, 2023
Секој ден со оружје во рацете ја приближуваше победата на Украина, но тој самиот нема да ја види“, пишуваше под фотографијата на која Бордус позира со неколку медали.
Бараат да бидат прогласени за Херој на Украина
На веб-страницата на претседателот Володимир Зеленски беше објавена петиција во која се бара на Бордус постхумно да му биде доделена титулата „Херој на Украина“.
Бордус се пријавил во украинската армија на првиот ден од руската инвазија минатиот февруари, а бил убиен од руска граната додека бил на борбена мисија во јужниот регион Запорожје.
Украинскиот министер за спорт Вадим Хутсаит во април изјави дека 262 украински спортисти биле убиени за време на руската агресија врз Украина.
