Појава на магла на Попова Шапка, Стража, Ѓавато и Плетвар
Поради појава на магла видливоста на Попова Шапка е намалена до 20 метри, а на планинските премини Стража, Ѓавато и Плетвар до 50 метри, информира АМСМ.
Сообраќајот на останатите државните патишта се одвива непречено по наместа влажни коловози со умерен интензитетот на патните правци надвор од градските средини.
На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
