ПЛАТИ ВО ХРВАТСКА: Најмалку заработуваат во производство на облека, а најмногу во авиосообраќајот
Просечната јулска нето плата во Хрватска изнесувала 1.315 евра.
Информацијата денеска ја објави хрватскиот Државен завод за статистика (ДЗС). На годишна основа, просечната хрватска нето плата е номинално повисока за 15,2 отсто, а реално за 12,7 отсто, во однос на јули 2023 година. Највисоката просечна месечна нето-плата по вработен за јули 2024 година е исплатена во секторот авиосообраќај и изнесува 2.248 евра. Најниска просечна нето плата во Хрватска е забележана во производството на облека во јули и изнесува 856 евра, се наведува на веб-страницата на ДЗС. Медијалната нето плата во Хрватска за јули е 1.130 евра, што значи дека половина од вработените во Хрватска заработуваат помалку од споменатата сума.
