Петгодишно дете тешко повредено во Велес – итно пренесено на скопските клиники
Попладнево во Велес од возило тешко било повредено пет годишно дете.
Според информациите, инцидентот се случил кај Младински парк.
Како што информираат од службата на Брза помош по укажаната прва помош на детето тие итно го однеле во Ургентниот центар на велешката Општа болница.
На детето му биле направени сите неопходни медицински прегледи како и рентген снимања и томографија и биле констатирани тешки повреди на глава.
Поради тежината на повредите на главата, со нивно возило детето било итно пренесено на понатамошно лекување на скопските Клиники „Мајка Тереза“.
