Пешевски: Со ладни глави и максимално мотивирани одиме на мегдан против Холандија!
Мечот со Унгарија е минато, македонските ракометари сега се фокусираат на Холандија со која играме утре од 18 часот.
„По вчерашниот натпревар стоиме цврсто на земја. Максимално се фокусираме на Холандија, заборавме што се случуваше против Унгарија, немавме среќа да победиме, но ремито е одличен резултат за Македонија. Мислам дека максимално сме мотивирани, а и би било жалосно да не бидеме мотивирани пред такви навивачи кои дојдоа до тука да не бодрат, а се очекува да бидат и во уште поголем број. Утре е натпреварот, излегуваме со ладни глави, максимално мотивирани и се надеваме дека ќе стигнеме до добар резултат“, вели Пешевски.
„Лалињата“ се добро анализирани, нашиот пикер смета дека нијанси ќе решаваат за тоа кој ќе го добие утрешниот меч.
„Како што ја анализиравме Унгарија, така ја анализиравме и Холандија. Тие играат поинаков ракомет, многу се побрзи од Унгарците, имаат одлични индивидуалци, ќе биде сосема различен меч, но спремни сме и мислам дека имаме свои шанси. Ќе решаваат нијанси и тој што ќе направи помалку технички грешки ќе го добие натпреварот“.
