Пендиков пак не се појави на рочиште. не бил добар со здравјето!

Со изведување материјални и писмени докази, денеска во Основниот суд во Охрид се одржа првото рочиште од судскиот процес за нападот на Христијан Пендиков, секретар на бугарскиот клуб во Охрид „Цар Борис Трети“.

Настанот се случи на 19 јануари пред кафуле во центарот на градот, а според обвинителството Пендиков бил нападнат поради тоа што се пишувал како Бугарин.

Пендиков, како и минатиот пат кога се одложи судењето, не се појави во судницата.

Неговиот адвокат Стефан Камишевски вели дека тој не е во можност физички да присуствува од здравствени причини.

Исто така, адвокатот не посочи дали Пендиков ќе се појави на следното рочиште кое е закажано за 31 мај.