Оваа земја воведе данок од 40 отсто на добивката на банките! Колапс на европските берзи, акциите на овие гиганти веднаш отидоа во минус
Италијанската влада воведе еднократен данок од 40 отсто на добивката на банките, а собраните пари планира да ги искористи за да им помогне на луѓето кои земаат хипотекарни заеми да го купат својот прв имот. Европските берзи веднаш ги почувствуваа последиците од оваа одлука, а акциите на одредени банки паднаа за околу 8 отсто!
Остриот пораст на каматните стапки на централната банка им донесе рекордни профити на банките, бидејќи тие можеа тој раст да го пренесат на кредитокорисниците, а во исто време не ги зголемија значително каматните стапки на депозитите. Земјите како Шпанија и Унгарија веќе воведоа данок на прекумерната добивка на банкарскиот сектор.
Италијанската влада годинава ќе ја оданочува со еднократен данок од 40 отсто нето каматната маржа на банките, што ја претставува разликата меѓу каматите на заемите и депозитите и е извор на заработката на банките. Тој проценува дека овој данок ќе собере нешто помалку од три милијарди евра.
Десничарската италијанска влада постојано ги критикуваше банките дека не ја пренесуваат повисоката цена на парите на штедачите, но таа презеде акција само по најновиот сет на рекордни приходи пријавени од банките кон крајот на јули и почетокот на август.
Сите италијански банки постигнаа многу подобри резултати од очекуваните и ги зголемија проценките за профитот благодарение на зголемените каматни стапки. Водечката италијанска банка Intesa Sanpaolo на крајот на минатиот месец објави дека очекува добивка од над 13,5 милијарди евра од нето каматната маржа оваа година.
Уникредит, исто така, ги подобри финансиските насоки за оваа година и сега очекува да постигне нето приход од повеќе од 21,5 милијарди евра и нето добивка од повеќе од 7,25 милијарди евра оваа година.
– Треба само да се погледне профитот на банките во првата половина од годината за да се разбере дека не станува збор за неколку милиони, туку за милијарди, изјави вицепремиерот Матео Салвини на прес-конференција во Рим доцна во понеделникот. „Ако (точно е дека) товарот на повисоките каматни стапки е двојно зголемен за домаќинствата и бизнисите, она што го добиваат имателите на тековните сметки сигурно не е двојно зголемено“, рече Салвини, додавајќи дека постои голем јаз меѓу стапките што се применуваат на заемите и депозитите. .
Паѓаат банкарските акции низ Европа!
Еден извор изјави за Ројтерс дека планот бил изненадувачки дури и за некои министри на состанокот на владата во понеделникот вечерта. Индексот на италијанските банкарски акции денеска до 09:15 часот по Гринич беше намален за 7,4 отсто, а најголемата италијанска банка Интеса Санпаоло забележа пад од 8 отсто. Акциите на Уникредит банка паднаа за 6,5 отсто.
