Откажување на турските летови од Истанбул на неколку часа поради проблем со системите за резервации
Турската национална авиокомпанија „Туркиш ерлајнс“ синоќа објави дека нејзините операции се нормализирале откако техничките проблеми со системите за резервации и билети доведоа до откажување на сите летови од Истанбул на неколку часа, јавува Anadolu Agency.
„Немаше прашање поврзано со сајбер напад“, рече Јахја Јустун, виш потпретседател за односи со медиумите на Туркиш ерлајнс, за платформата „Екс“.
Поради работа за обновување на нормалното работење, авиокомпанијата вчера ги откажа сите летови кои полетуваа од Истанбул помеѓу 19:00 и 22:00 часот по локално време (17:00-20:00 часот по македонско време).
Националниот авиопревозник објави дека продажбата и резервациите на билети се суспендирани поради работа за решавање на проблемот.
Туркиш ерлајнс соопшти дека ќе обезбеди сместување, рефундирање и компензација за сите загуби поради откажаните летови кои поаѓаат од Истанбул.
