Охрид подобар во дербито без резултатско значење

Пред своите навивачи, охриѓани го победија Тиквеш со 29-24 во мечот кој немаше резултатско значење бидејќи ниедна од екипи не можеа да напредуваат или назадуваат на табелата. До средината на првото полувреме, кавадаречкиот тим го диктираше темпото и се наоѓаше во водство, но тоа не изнесуваше повеќе од два разлика. Охрид се разбуди во втората половина од полувремето, а потоа направи серија од 7-1 за водство од 16-10. Сепак, Тиквеш не се предаде, во вториот дел се доближи на само еден гол негатива, ама не успеа да го комплетира пресвртот.

Ојлески беше најефикасен играч на натпреварот со осум гола, додека Мијатовиќ и Анастасовски со по седум го предводеа Тиквеш.

Сезоната денеска заврши и за Пролет и Струга. Скопскиот тим славеше со 33-27 колку со триумф да замине на летен одмор.