Одземени па вратени ингеренциите на градоначалникот Димитриевски за назначување на директор на градинката „Ангел Шајче“
Кумановскиот градоначалник, Максим Димитриевски на денешната прес-конференција обвини дека Министерството за труд и социјална политика се обидува да ги одземе ингеренциите на градоначалникот за градинката „Ангел Шајче“. Од МТСП денеска соопштија дека министерството ќе ја поништи одлуката за одземање на ингеренциите.
Според Димитриевски, постапката се однесувала за како што вели, изнуда за решение за назначување на според него париски директор на установата.
– Еднострано постапување од нивна страна, спротивно од Законот и заложбите за децентрализација на власта. Јас како градоначалник, без претходно извршен инспекциски надзор од страна од инспекциски надзор добив процедурално известување на материјални недостатоци во работата на органите на општината со кое ми предочија во најкус рок од еден ден од приемот на укажувањето, рок кој не е разумен и не е предвиден со ниту еден законски пропис во државата ме задолжија како градоначалник за почнам постапка за избор на директор на ЈОУГД „Ангел Шајче“, вели Димитриевски.
Тој посочи дека е постапено во целост и на 31 март годинава било издадено решение за избор на директор, испратено до МТСП и до градинката. Тој го приложи укажувањето добиено на 30 март.
– За жал, и покрај што поставиме согласно законот и укажувањето на 3 април, ресорната министерка издава решение за одземање за вршење на соодветни надлежности, поврзани со изборна директорот, кажа Димитриевски.
Тој на прес-конференција кажа дека ова се случува по втор пат и според него се врши притисок врз градоначалник и локална самоуправа. Димитриевски смета дека се врши централизација.
Од МТСП кажаа дека одлуката ќе ја поништат, бидејќи локалната власт постапила согласно нивните укажувања. Од МТСП за МИА наведуваат дека по добиено известување од ЈОУДГ „Ангел Шајче“ Куманово дека мандатот на постојниот директор завршува заклучно со 31 мај годинава, управниот одбор на јавната установа на 01 март годинава , го известил градоначалникот да донесе одлука за објавување на оглас за избор на директор.
-Бидејќи градоначалникот не постапил по известувањето Министерството за труд и социјална политика на 27, март му достави укажување за постапување, согласно законот за заштита на децата со оглед на итноста од еден ден. Бидејќи во рокот градоначалникот не постапи беше донесена одлука за одземање на ингеренциите на ден 03.04.23 година. Следниот ден градоначалникот доставил одлука до градинката, а денес 5.04. го извести и министерството дека ја донел спорната одлука на ден 31.03.23. Бидејќи е постапено по укажувањето одлуката за одземање на ингеренциите министерството ќе ја поништи, соопшти МТСП.
