„ОД ЛОЗАРСТВОТО ВО МАКЕДОНИЈА ЖИВЕЕ ЕДЕН ПОМАЛ ГРАД“: Дане Јованов Хермес во „Бизнис Муабети“ на Фактор

Македонија има богата винска традиција, а нејзините вина сè
почесто освојуваат признанија на меѓународно ниво. Во овој бизнис е и дане Јованов Хермес кој
гостува во најновата епизода на поткастот „Бизнис муабети“ на Фактор, и кој зборува за значењето на винската
индустрија – една од клучните гранки на македонската економија.

Говорејќи за најскапите вина во светот, Хермес посочува:
„Тие доаѓаат од винариите во Бордо, а едно шише може да достигне цена и до
4.000 евра.“

Според него, винската индустрија во Македонија остварува
годишен обрт од 65 милиони евра, што смета дека е недоволно. „Од лозарството
живеат 10.000 семејства, а ако секое има по четири члена, тоа значи дека
директно зависат 40.000 луѓе – што е речиси еден помал град,“ објаснува тој.

Виното е вториот најизвезуван македонски производ, веднаш по
тутунот, и има значително учество во домашниот бруто производ.