Обилни врнежи од снег вечерва низ Македонија!
Управата за хидрометеоролошки работи денеска издаде актуелно предупредување.
Денес во ноќните часови на повеќе места ќе има врнежи од дожд и снег во пониските и снег на повисоките места и планините.
Во крајните западни делови врнежите ќе бидат пообилни (20 л/м2).
На планините снежната покривка ќе се зголеми, а помала снежна покривка ќе се формира и на некои од повисоките места. Утре долж Повардарието ќе дува засилен северен ветер.
Во Скопје поради маглата и ниската температура која се задржа во текот на целиот ден врнежите во текот на ноќва во делови од котлината може да бидат од замрзнат дожд или од дожд кој ќе замрзнува на тлото, а повремено врнежите може да бидат од снег. Утре ќе дува умерен, повремено засилен северен ветер.
