Нов срам за Јунајтед, Реал го освои Неапол! (ВИДЕО)
По поразот од Баерн во Минхен во првото коло, премиерлигашот денеска на домашен терен беше совладан и од турскиот Галатасарај со 2-3, па без ниеден бод и со седум примени гола во првите два меча, се наоѓа на последното место во групата. Галата заслужува честитки затоа што два пати беше во негатива и два пати експресно се враќаше по головите на Хојлунд. Прво израмни Заха, а потоа и Актуркоглу, а Икарди во 81. минута го избегна епитетот трагичар зато што погоди за 3-2, три минути откако не успеа да реализира пенал и го промаши цел гол.
Првпат во историјата, Манчестер Јунајтед ја почнува групната фаза од Лигата на шампионите со два пораза и првпат бележи три порази по ред во натпреварувањата на УЕФА.
Мошне важна победа оствари Реал Мадрид со идентични 3-2, на гостувањето кај Наполи. Шпанскиот гигант потсети на изданијата од претходните две сезони, повторно прв прими гол, Холјунд го совлада Кепа, за потоа во период од седум минути Винисиус и Белингам да го свртат резултатот во корист на Реал. На почетокот на второто полувреме Зјелински од пенал израмни, но во 78. минута, гостите сепак дојдоа до победничкиот гол. Валверде упати фантастичен удар, топката на патот закачи еден домашен играч, го измами голманот Мерет и заврши во мрежата на Наполи.
Покрај Реал, максимален ефект по две одиграни кола има само уште Баерн кој денеска славеше на тешкото гостување кај Копенхаген со 2-1.
