Ништо од ослободувањето на заложниците во четврток: Израелците објавија, еве што се случи
Иако беше најавено дека ослободувањето на израелските заложници кои ги држеше Хамас ќе започне во четврток, се чини дека тој рок е одложен.
Претседателот на израелскиот совет за национална безбедност Цачи Ханегби изјави дека првите заложници нема да бидат ослободени пред петок, пишува „Тајмс оф Израел“.
Високиот функционер на Хамас Муса Абу Марзук претходно во средата изјави дека договорот ќе стапи на сила во четврток во 10 часот, а висок израелски функционер на брифинг за новинарите неколку часа подоцна го потврди ова.
Но, Ханегби во својата последна изјава објасни дека „преговорите за ослободување на заложниците бележат постојан напредок“.
„Ослободувањето ќе започне во согласност со првичниот договор меѓу страните, но не пред петок“, рече тој.
