НИКОЛОСКИ: За двокатна куќа во внатрешноста не може да се купи гарсоњера во Скопје, затоа народот се иселува, ова мора да се промени

Во вечерашното гостување во централниот Дневник на ТВ Сител, министерот за транспорт Александар Николоски истакна дека заради притисокот што потекнува од Законот за урбанистичко планирање, цената за метар квадратен скокна во некои општини. 

„Нас ни се случува да луѓе во внатрешноста продаваат двоспратни куќи за 50,000 евра, а во Скопје или во овие две општини не можат гарсоњера за тие пари да купат и што прават следно, се иселуваат. Нема млада брачна двојка која може да си дозволи 3,000 евра за метар квадратен, а тоа е така затоа што се случи оваа хистерија против урбанизмот од една страна, од друга страна се се’ концентрираше во Скопје, се направи од Скопје град, држава, внатрешноста пропаѓа, а овде цените одат до небо“, посочи Николоски.

Министерот Николоски понуди решение со кое ќе се формира комисија од сите релевантни страни и да се изготви нов Закон за урбанистичко планирање со кој ќе се стави ред во урбанистичкиот хаос.