НИКОЛОСКИ: Првата линија од „Градски воз” можно e да профункционира до крајот на годинава
Првата линија од „Градски воз” можно e да профункционира до крајот на годинава.
Би се движел преку Драчево, Аеродром и Кисела Вода до железничка станица Скопје. Oва го најави вицепремиерот и министер за транспорт, Александар Николоски во интервјуто за ТВ Сител.
„Она што го зборувавме за проектот „Градски воз” е во реализација, заврши физибилити студијата. За да се реализира целиот прстен како што е замислен со три полукругови, потребни се нeкаде околу педесетина милиони евра. Дел од тие средства се обезбедени во буџетот за оваа година и ЈП Железници Инфраструктура во многу скоро време, за месец дена ќе објави тендер за изградба и рехабилитација на најголемиот дел од инфраструктурата којашто ќе се користи. Тоа ќе биде линијата од Зелениково, преку населбата Драчево, ја поставува границата кон населбите Аеродром и Кисела Вода и завршува на новата железничка станица. Очекуваме до крај на годината да е готова, многу брза агенда имаме и прва делница Зелениково-Драчево-Аеродром-Кисела Вода- железничка Скопје да имаме пред Нова година. Паралелно ќе ги работиме и другите два прстени”, вели Николоски.
Додаде и дека се работи и на постапката за набавка на 120 нови еколошки автобуси.
