„НИ НЕДОСТИГАШ…“: Сопругот на исчезнатата Ана објави заедничка фотографија со емотивна порака – Србија трага по млада мајка

Семејството и полицијата со денови трагаат по Ана Петровиќ (20), мајка на едногодишно девојче, кое исчезна во Белград ноќта меѓу четвртокот и петокот. Нејзиниот сопруг на својот Фејсбук профил објави за исчезнувањето и испрати емотивна порака.

„Ни недостигаш…“, накратко напиша сопругот на исчезнатата Ана.

Ана Петровиќ од Зрењанин исчезнала во Белград ноќта меѓу четвртокот и петокот околу два часот по полноќ. Со денови нема ни трага ни глас од девојката, а како што претходно семејството изјави за медиумите телефонот и бил вклучен само неколку секунди. Според раскажвањата на роднините, телефонот на Ана цело време бил исклучен од моментот кога исчезнала, но забележале дека е вклучен неколку секунди околу 6 часот наутро, првото утро кога исчезнала. После тоа повторно бил исклучен.

Како што претходно за медиумите објасни сестрата на нејзиниот вујко, Ана живее во Калуѓерица веќе четири години, нејзиното исчезнување било пријавено во полиција, а никој не знае што носела во моментот на исчезнувањето, но знаат дека земала розов ранец со неа.

Како што кажале нејзини родини за медиумите во Србија, вакво нешто досега не се случило, и сите се многу загрижени особено поради фактот дека Ана има едноиполгодишно девојче за кое е многу приврзана.

Како што кажале, секој член од потесното семејство се обидува да ја добие на телефон, но Ана не одговара.

Фото: Принтскрин/Фејсбук