Невреме со обилен пороен дожд, грмежи, засилен ветер и крупен град го зафати Дојран
Претпладнево подрачјето на Дојран беше зафатено од силно невреме, проследено со обилен пороен дожд, интензивни грмежи, засилен ветер и појава на крупен град. Времето предизвика нагло влошување на условите, со значително намалена видливост и локални оштетувања.
Според последните информации, нова нестабилна метеоролошка маса се движи од правецот на Гевгелија кон Дојран, што укажува на можност за повторно невреме со сличен интензитет во наредните часови.
Слабa нестабилност е регистрирана и во кумановскиот регион, како и во делови од Мариово, каде се очекуваат повремени врнежи и локални електрични празнења.
Метеоролозите апелираат до граѓаните да бидат внимателни и да избегнуваат движење на отворено за време на невремето.
