НЕПОЗНАТИ ЛИЦА ЈА НАПАДНАА ПОЛИЦИСКАТА СТАНИЦА ВО ЗВЕЧАН: Фрлиле две рачни бомби
Непознати лица ја нападнаа полициската станица во Звечан, на Косово, каде се фрлени две рачни бомби.
Во експлозијата нема повредени, информира Еуроњус Србија.
„Околу 23 часот и 55 минути е пријавено дека непознати лица фрлиле две рачни бомби во дворот на полициската станица, каде освен материјална штета нема повредени. Случајот е во истрага“, се наведува во полициското соопштение.
Обвинителот нареди случајот да се поведе како „предизвикување општа опасност“.
„Косовската полиција силно ги осудува овие опасни напади и апелира до граѓаните да соработуваат со властите за да помогнат во идентификувањето на сторителите на овој напад. Секоја информација што може да помогне во истрагата може да се пријави на полициските броеви или преку сигурни линии за известување“, стои во соопштението.
На Косово често има инциденти.
