„Немам дозвола но имам тело во гепек“ – При рутинска контрола пронајдено тело на жена, во возилото биле и најзините три деца!
Маж (39) е уапсен во австрискиот град Линц, откако полицијата при рутинска контрола го пронашла телото на неговата сопруга (38) во багажникот на автомобил.
Како што пренесува „Хојте“, полицијата во неделата рутински проверила неколку автомобили во Ансфелден кај Линц, при што бил проверен и син автомобил во кој седеле маж и неговите три деца.
Кога полицијата од 39-годишникот побарала лични документи, мажот објаснил дека нема возачка дозвола, но дека „чува“ нешто друго во багажникот на автомобилот.
— Linz News (@linzdotnews) July 24, 2023
– Знам дека сум баран, немам возачка дозвола, но имам тело во багажникот – рекол мажот, кој во моментот на увидот бил во автомобилот со двата сина (11 и 15 години) и петгодишната ќерка.
Кога полицајците го отвориле багажникот, го нашле телото на неговата сопруга завиткано во чаршафи.
Претходно „познато“ на полицијата и на пошироката јавност
Како што соопшти полицијата на прес-конференција во понеделникот попладне, возачот е истакната личност која на полицијата и на пошироката јавност веќе и е позната како некој кој од почетокот го негирал постоењето на корона, а се сомнева дека активно учествувал во кампањи против државата во врска со неа.
– Човекот не окупираше многу години – изјави во понеделникот началникот на полицијата Андреас Пилс.
Bei einer Verkehrskontrolle im Gemeindegebiet von Ansfelden in Oberösterreich machte die Polizei am Sonntagabend einen schockierenden Fund: Ein bekannter #Corona-Maßnahmengegner hatte die Leiche seiner Frau im Kofferraum: https://t.co/TJmcCVlkjs
— SALZBURG24 (@Salzburg24) July 24, 2023
На уапсениот 39-годишен маж му е одредена мерка притвор, додека првичните податоци покажуваат дека неговата сопруга можеби боледувала од тежок рак.
– Можен е придонесот за смртта на жената – соопштија надлежните кои истражуваат дали сопругата починала од природна смрт или во тоа помогнал уапсениот сопруг.
Мажот бил обвинет и за нарушување на мирот на починатите. Во моментов осомничениот е на распит каде му е одредена мерка притвор поради опасност од бегство и ризик повторно да го изврши делото.
Децата на сопружниците моментално се згрижени од екипа за кризна интервенција, соопшти полицијата.
