Skip to content
Novina.mk Novina.mk
  • Следетене
  • ПОЧЕТНА
  • МАКЕДОНИЈА
  • РЕГИОН
  • СВЕТ
  • ЕКОНОМИЈА
  • СПОРТ
  • Video
  • МАГАЗИН
Nova.mk (2)
  • Последни
 НЕМА УСПЕШНА КАРИЕРА БЕЗ ВИСОКА ЕМОЦИОНАЛНА ИНТЕЛИГЕНЦИЈА: Како да работиме на себе и да ja подобриме?
Економија

НЕМА УСПЕШНА КАРИЕРА БЕЗ ВИСОКА ЕМОЦИОНАЛНА ИНТЕЛИГЕНЦИЈА: Како да работиме на себе и да ja подобриме?

12/03/2025

AA

Емоционалната интелигенција е клучен фактор за напредок во кариерата, бидејќи ни помага свесно да реагираме, ефективно да комуницираме и да градиме квалитетни односи со колегите и клиентите.

Емоционалната интелигенција е збир на компетенции кои ни помагаат подобро да ги согледаме, разбереме и управуваме со емоциите – кај нас и кај луѓето околу нас. Taa ни помага свесно да реагираме и ефикасно да ги користиме емоциите на работното место. 

„Нашето однесување директно влијае на тоа како се чувствуваат другите, а тоа, за возврат, ја обликува динамиката на нашите релации. Способноста да разбереме и управуваме со сопствените емоции, како и да ги препознаеме и почитуваме емоциите на другите, е подеднакво важна како и интелектот во определувањето на успехот. Истражувањата покажуваат дека луѓето со висока емоционална интелигенција имаат поголеми шанси за унапредување, бидејќи се подобри лидери, полесно се адаптираат на предизвици и создаваат позитивна и продуктивна работна средина. Во свет каде што техничките вештини можат да се научат, но и способноста за градење односи е незаменлива, емоционалната интелигенција станува конкурентска предност“, вели Славица Тасева, сертифициран Genos EI практичар. 

Вели дека емоциите играат клучна улога во донесувањето одлуки, однесувањето и постигнувањата на работното место, директно влијаејќи врз културата на организацијата. Вработените со висока емоционална интелигенција придонесуваат за позитивна работна средина, зголемена посветеност и повисока ангажираност.

„Според GENOS International, водечка меѓународна методологија за емоционална интелигенција на работното место (присутна и во РСМ), таа опфаќа шест клучни компетенции: самосвесност, свесност за другите, автентичност, способност за емоционално расудување, способност за самоуправување и способност за позитивно влијание.  Доколку овие компетенции за емоционална интелигенција се развиени придонесуваат за продуктивни состојби на вработениот и тој е присутен, емпатичен, отворен кон идеи, отпорен на предизвици, поддржувачки и конструктивен. Од друга страна вработен со ниска емоционална интелигенција  е отсутен, нечуствителен, избувлив, рамнодушен и нефлексибилен“, објаснува Тасева. 

Таа додава дека емоционалната интелигенција се учи и може да се развива и подобрува, исто како и секоја друга вештина. Сѐ почнува со самосвесност – препознавање на сопствените емоции и нивното влијание врз нашето однесување. 

„Еден начин да ја зајакнеме е да водиме дневник на емоции, да практикуваме вежби за смирување и да бараме фидбек од другите за нашите реакции и однесување. Следниот чекор е развивање на емпатијата – да слушаме активно, да разбереме различни перспективи и да избегнеме осудување. Ова ни помага да градиме подлабоки и поискрени релации. Комуникацијата е клучна. Кога знаеме како да ги изразиме своите мисли и чувства на јасен и конструктивен начин, без да предизвикаме конфликт, стануваме подобри лидери, колеги и пријатели. Со свесен напор и доследна работа, секој може да ја подобри својата емоционална интелигенција и да постигне поголем успех во кариерата, и во животот“, рече Тасева. 

Професии за кои е потребна висока емоционална интелигенција се психолог, наставник, тренер за личен развој, агент за недвижности, здравствен работник, организатор на настани и други. Во светот се правени и истражувања според кои 80 отсто од успехот во кариерата зависи од емоционалната интелигенција. Во Нов Зеланд е направено истражување кое траело со години во рамки на кое експертите следеле 1.000 деца во нивниот развој и се покажало дека оние со висока емотивна интелигенција имале попозитивно размислување, биле склони да ги признаат грешките и полесно се носеле со негативните емоции. Но, се покажало дека децата со пониска емотивна интелигенција кога ќе станат возрасни се соочуваат со финансиски проблеми, имаат ниски примања, не успеваат да штедат и слично. 

Сања Атанасовска

foto freepik.com

TACT.mk

Previous post
Next post
Последни Новини
Македонија

Саудиска Арабија прва во светот во дигиталните владини услуги, ја

20/11/2026
Македонија

НЕМА СИГНАЛИ ДЕКА СЕ ПЛАНИРААТ ПРЕДВРЕМЕНИ ИЗБОРИ Илија Димовски очекува

20/11/2026
Македонија

НАСИЛСТВОТО НЕ СМЕЕ ДА БИДЕ ПРЕДМЕТ НА ПАРТИСКИ ПРЕПУКУВАЊА Владата

20/11/2026
Македонија

„НИТУ ЕДНА ПОВЕЌЕ!“ СО БЛОКАДА ПРЕД ВЛАДАТА Протест против фемицидот

20/11/2026
Македонија

ЗА ОДБРАНАТА НА РИСТОВ СПОРНО Е КАКО СЕ СОБРАНИ МАТЕРИЈАЛИТЕ

20/11/2026
Македонија

ПОЛИЦАЈЦИ ПРЕТЕПАЛЕ МАЛОЛЕТНИК ВО ОХРИД, ГО УДИРАЛЕ СО ПЕНДРЕК И

20/11/2026
Македонија

ФОЛИИТЕ СО ЕВРАТА ГИ СТАВАЛЕ НА ПОД, МОЖЕН Е ПРЕНОС

20/11/2026
Македонија

ПОЧНА СЕЗОНАТА НА ГРИПОТ, ТРОЈЦА ЗАРАЗЕНИ СО КОВИД Најмногу заболени

20/11/2026
  • Економија 7906
  • Магазин 4842
  • Македонија 46859
  • Регион 4000
  • Свет 22
  • Спорт 4718
СЛИЧНИ НОВИНИ ЗА ВАС

Саудиска Арабија прва во светот во дигиталните владини услуги, ја исполни целта на Визијата 2030

20/11/2026

Кралството се најде на првото место меѓу 194 држави и територии оценети од Обединетите нации за онлајн владини услуги, а

НЕМА СИГНАЛИ ДЕКА СЕ ПЛАНИРААТ ПРЕДВРЕМЕНИ ИЗБОРИ Илија Димовски очекува редовни избори во 2028 година

20/11/2026

Пораките од владејачките ВМРО-ДПМНЕ и ВЛЕН укажуваат дека следната пролет нема да има предвремени парламентарни избори и дека земјава ќе

НАСИЛСТВОТО НЕ СМЕЕ ДА БИДЕ ПРЕДМЕТ НА ПАРТИСКИ ПРЕПУКУВАЊА Владата предупредува дека тоа е против

20/11/2026

Заштитата на жртвите е приоритет, насилството не смее да биде предмет на партиски препукувања, порача Владата во соопштение. „Владата веќе

Novina.mk Novina.mk

©2022. All Rights Reserved.

Контакт
Privacy Policy