НЕКОЛКУ МОДЕЛИ НА НЕВЕРА НА РИМАЦ СЕ ПОВЛЕЧЕНИ, МОЖЕ ДА СЕ ЗАПАЛАТ: На сопствениците им се препорачува да не го возат автомобилот
Националната администрација за безбедност на сообраќајот на
патиштата на САД повлече девет модели на Rimac Nevera од 2023 и 2024 година
поради опасност од пожар. Проблемот лежи во нисконапонскиот кабел C19, кој може
да направикраток
спој и да се прегрее доколку не е правилно прицврстен. Поради потенцијалниот
ризик од пожар, на сопствениците им се препорачува да не го возат автомобилот
додека не помине технички преглед, пишува Форбс.
Сервисните центри ќе го прегледаат и поправаат кабелот
бесплатно. Во моментов се информираат продажните места, а сопствениците на
возилата ќе бидат известени од 18 ноември.
Иако повлекувањата не се невообичаени во автомобилската
индустрија, интересно е како е откриен овој проблем. Можно е да е идентификуван
по инцидент со некој од муштериите. Пожарите во електричните возила се особено
опасни доколку го зафатат акумулаторот, бидејќи за нивно гаснење е потребно
големо количество вода.
