Наунов по првата пресуда за Пулс: За 63 загубени животи давате условни казни, системот си ги штити своите!
Откако судот изрече условни казни за злоупотреба на службената должност поврзани со трагедијата во која загинаа 63 лица, а над 200 беа повредени, се огласија семејствата на жртвите. Александар Наунов од Кочани, преку исклучително остро и емотивно обраќање до јавноста и институциите, го осуди правосудниот систем, обвинувајќи дека државата ги штити функционерите наместо да дели правда.
Во својата реакција, Наунов посочува на драстичниот несразмер меѓу законите и реалноста во судниците. Иако за кривичното дело злоупотреба на службената должност е предвидена затворска казна до 10 години, во пракса институционалната одговорност се свела на минимум.
Тој ја нарече одлуката „техничко затворање на случајот“, посочувајќи дека станува збор за систем кој со години „не гледал и не слушал“, што на крајот довело до незапаметена трагедија која завила цел град во црно.
Тој изразува сериозен сомнеж за начинот на кој се водел целиот процес, обвинувајќи дека правдата била заобиколена преку институционални игри. Наунов директно обвинува за:
Според него, со вакви пресуди, и онака катастрофалната доверба во судството од 2% веќе преминува во негатива.
Најпотресниот дел од реакцијата е директно упатен до судијката која ја донела пресудата. Наунов прашува дали законите се пишуваат за да важат или за да се заобиколуваат и дали може мирно да се спие кога зад таквата одлука стојат 63 изгубени животи.
На крајот, тој најавува дека борбата на семејствата не запира тука. Порачува дека нивното трпение е потрошено и дека вистинската правда ќе ја бараат пред секоја институција и пред целата јавност.
