„НАСТЕЛ“ НА АЗМАНОВ ПРОДАДЕ 26, БРАЌАТА ПЕЦОВСКИ КУПИЈА ОСУМ АКЦИИ – еве какви сопственички промени се случија во „Реплек“

Нови акции купија браќата Душан и Владимир Пецовски од компанијата „Реплек“, а акции таму продолжува да продава бизнисменот Зоран Азманов, односно неговата градежна компанија „Настел“. 

За тоа, како и секогаш, транспарентно објави ова акционерско друштво преку Македонската берза за долгорочни хартии од вредност.

Од компанијата објавија дека акции продал бизнисменот Зоран Азманов, и тоа 26 акции, па сега неговиот акционерски капитал во компанијата е 21.602 акции, што е рамно на 8,33 отсто од вкупниот број акции, и што се уште важи за прилично респектабилен процент на сопственост во компанијата, односно тој се уште е во категоријата на акционери кои поседуваат над 5 отсто од капиталот.

Додека, пак, Душан Пецовски, најголемиот акционер во таа компанија и нејзин прв човек, односно извршен директор, како што објавија од компанијата, купил нови пет акции, и сега поседува вкупно 31.610 акции, или 12,2 отсто од акциите.

Неговиот брат, пак, Владимир Пецовски, се стекнал со 3 нови акции, со што поседува вкупно 16.435 или 6,34 отсто од вкупниот број на акции.