Над 9.500 слободни работни места во Македонија: Кои професии се најбарани?
Државниот завод за статистика денеска го објави бројот на слободни работни места во четвртиот квартал во 2024 година кој изнесува 9.562, а најголем број, 2.149, има во втората група занимања – Стручњаци и научници.
Следуваат групите Работници во услужни дејности и продажба со 2.074 слободни работни места, Елементарни занимања 1.638, Занимања за неиндустриски начин на работа во производството 1.028, Ракувачи и составувачи на машини и постројки 851, Техничари и сродни занимања 1.016, Службеници 744.
Евидентирани се и 44 слободни работни места во групата Членови на законодавни и извршни тела, државни функционери, раководни државни службеници, дипломати и директори, како и 19 во групата Стручни работници во земјоделството, шумарството, рибарството и ловот.
