НАЈСКАП ЗАЧИН НА СВЕТОТ: Во Турција еден грам чини 7 евра

Седум евра чини еден грам шафран во Турција.  Турскиот шафран се одгледува во Сафранболу, на северот на земјата и е на листата на светско наследство на УНЕСКО, пишува Кликс.ба. Ова е најскапиот зачин на светот, затоа што за да се добие еден килограм потребни се 510.000 цветни стигми. Се користи за производство на боја, козметика и храна. Освен тоа, значително позитивно влијае на здравјето – го олеснува обновувањето на клетките, ја подобрува меморијата, добар е во борбата против астмата и другите респираторни заболувања, го помага варењето и ги зајакнува непцата.

Турција е првата држава која го регистрира најскапиот зачин во светот во Европската Унија(ЕУ).

Шафранот се сади во август и се бере во текот на октомври и ноември. Шафранот во Сафранболу има историја која датира 3.500 години наназад, а со него се тргувало во западна Анадолија за време на византискиот период. Тој важи за национално растение во Турција, пишува турскиот весник „Хуриет“. 

Шафранот се одгледува на подрачјето од Шпанија до Индија.  Најголеми производители на шафран се Шпанија и Иран, со повеќе од 80 отсто од светското производство. 

foto freepik.com