На погребот на папата Франциск утре во римската базилика, ќе присуствуваат околу 130 делегации
Папата Франциск утре ќе биде погребан во една од таканаречените „пет папски базилики“, Санта Марија Маџоре, во Рим, каде од базиликата Свети Петар ќе биде пренесено телото на поглаварот на Римокатоличката црква.
Поворка од верници и црковни претставници, како и шефови на држави, ќе се соберат на плоштадот Свети Петар во 10 часот, каде ќе се одржи миса за упокојување на душата на папата Франциск.
Како што соопшти Ватикан, во првиот ред ќе застанат високи функционери од родната Аргентина на папата и Италија, додека останатите лидери ќе бидат распоредени по француски азбучен ред.
Церемонијата во Ватикан ќе ја води кардиналот Џовани Батиста Ре, за кој италијанските медиуми шпекулираат дека би можел да го замени папата Франциск на чело на Римокатоличката црква.
Од средата повеќе од 130.000 луѓе од целиот свет му оддадоа почит на папата Франциск, кој почина на 21 април, а верниците се собраа во базиликата Свети Петар во текот на ноќта и во раните утрински часови.
