Најмногу дожд во изминатото деноноќие во Дебар, најстудено на Попова Шапка

Во изминатите 24 часа најмногу дожд – 41 литар на квадратен метар наврна во Дебар, по што следат Маврови Анови со 34, Попова Шапка со 31, Претор со 26, Охрид со 25, Куманово со 24, Скопје, кај Зајчев Рид и Пожаране со 22.

Како што информира утрово УХМР, во Крушево наврнало 21 литар на квадратен метар, во Тетово 20, во Скопје, кај Петровец 16, Прилеп и Виница 13, Тополчани 12, Крива Паланка 11, Битола десет, Лазарополе девет, Дојран и Ѓуриште осум, Штип и Велес шест, Демир Капија и Берово пет, Струмица три и во Гевгелија еден литар на квадратен метар.

Дадените вредности за количината врнежи се измерени на дождомерните места на УХМР. Поради локалноста на процесите, паднатата количина воден талог многу варира и на различни места може да е многу поголема од измерената.

Според УХМР најниска температура до 7:30 часот е измерена на Попова Шапка – 3 степени, во Крива Паланка, Берово и Лазарополе нула степени, во Маврови Анови еден, Крушево два, Охрид и Претор три степени, во Прилеп, Штип, Демир Капија и Виница четири, во Тетово, Струмица, Дебар и Куманово пет, во Скопје, кај Петровец, Зајчев Рид и Кавадарци шест, Велес седум, Битола и Дојран осум и во Гевгелија 10 степени.

Во текот на ноќта во поголем дел од земјава времето беше ведро, а во западните делови се задржа облачно. Утрово е сончево со мала до умерена локална облачност со слаб ветер од променлив правец.

Времето денеска ќе биде сончево со мала до умерена локална облачност. Ќе дува слаб ветер од променлив правец. Максималната температура ќе биде во интервал од 13 до 18 степени.

Во Скопје сончево со мала облачност и со слаб ветер од југоисточен правец. Максималната температура ќе достигне 15 степени.