
Најмладиот милионер во евра во Македонија има 24 години, највозрасниот 77
Директорката на Управата за јавни приходи, Сања Лукаревска денеска на прес конференција информираше дека најмладиот милионер во евра во земјава има 24 години, додека пак највозрасниот има 77 години.
„24-годишник е најмладиот милионер во евра за 2022 година со остварен и пријавен доход од странство во износ 61,6 милиони денари, а 77-годишно лице со остварени 92,9 милиони денари доход е највозрасниот милионер во евра кој доходот го остварил главно од дивиденти од компании во земјава“, вели Лукаревска.
Лукаревска посочува дека најмладиот милионер во денари има само 9 години.

