НА ГРАНИЦИТЕ Е ОПШТ ХАОС, БУКВАЛНО – Луѓето заглавени чекаат дури и по 6 часа
Патничките возила како и автобустите кои превезуваат патници од земјите од Балканот кон дел од европските центри за влез во Европската унија чекаат со часови.
Како што пренесуваат медуимите до соседството за излез од Србија преку граничниот премин Батровци се чека шест часа, а на Хоргош пет часа, соопшти Автомото сојузот на Србија (АМСС).
Според информациите од Управата на граничната полиција од 17 часот и 15 минути, автомобилите на Бачки Брег, Шид и Бездан на излез од Србија чекаат по три часа, а на Хоргош 2, Келебија и Бајмок по два часа.
На влезот во земјава автомобилите чекаат кај Јабуца еден час, Градина 40 и Шпиљани 30 минути. Камиони и автобуси кај Келебија на излез од Србија чекаат по еден час. И кај Батровци чекањето на товарните возила на излез од државата е еден час. Според последните информации добиени од ЈП „Патишта Србија“, на наплатните станици нема задржувања на возила.
Од друга страна не е подобро ниту на граничните премини кон Хрватска, каде вчера патниците биле зглавени цели седум часа за влез во земјата.
Како што јавуваат патници кои патуваат од Македонија, кон некои од европските градови, гужвите на граничниот премин биле огромни, што предизвикало застој и чекање од дури седум часа за влез во Хрватска.
Последните информации од Автомото сојузот на Македонија АМСМ од утрово говорат дека сообраќајот на државните патишта се одвива непречено, по cуви коловози.
– Интензитетот на сообраќај на патните правци надвор од градските средини е зголемен. На ГП Табановце за излез и влез се бележи зголемена фреквенција на возила. На останатите гранични премини, од македонска страна, нема подолги задржувања – соопштуваат од АМСМ и препорачуваат прилагодена брзина на движење, почитување на поставената сигнализација.
Фото: Фактор
